班別：初三誠班 姓名：張梓杰 學號：05號
阿根廷共和國（República Argentina）係南美一國，首都叫布宜諾斯艾利斯（Buenos Aires）。佢而家人口過咗4000萬，國土面積276萬6890平方千米，世界上排第8位，官話係西班牙話。16世紀以前，只有原居民係住嗰度。後尾西班牙人來到呢度，1535年就做咗西班牙殖民地。1810年5月25號爆發反西班牙統治嘅「五月革命」。1816年7月9號獨立。1853年制定憲法，成為聯邦共和國。
19世紀中期，毆洲大批移民湧入。英國勢力喺經濟上有重要影響。由20世紀30年代起由軍人同文人輪流執政。1983年，阿方辛民選政府上臺，恢復憲制，大力推動民主化進程。1980年代中後期，亞根廷經濟形勢惡化，社會矛盾加劇，政治動亂迭起。1989年5月，大選提前舉行，同年7月8號，阿方辛提前交出權力，梅內姆就任總統。喺1995年5月舉行嘅大選裏面，梅內姆蟬聯總統。1999年10月24號，反對黨聯盟總統候選人、激進黨主席德拉魯雅當選第 47 任總統。
德拉魯雅做咗之後連續四年嘅經濟衰退，2001年12月阿根廷整咗個金融風暴，布宜諾斯艾利斯市暴動，德拉魯雅政府倒台。根據憲法，由布爾達擔做臨時總統，布爾達擔唔想捲入當時嘅混亂政局，辭職唔做臨時總統職位，響呢段期間，阿根廷連續換咗五個臨時總統，到最後由杜瓦德接任做總統職位，杜瓦德任期期間，披索貶值。杜瓦德之後，由基斯奈爾險勝，當選總統，目前基斯奈爾民意支持度唔差，而積極咁鞏固政權，甚至有意干預司法體制，激起國內司法業界人士強烈抵抗。
資料來源：http://zh-yue.wikipedia.org/wiki/阿根廷
圖片來源：http://zh-yue.wikipedia.org/wiki/File:Flag_of_Argentina.svg
http://zh-yue.wikipedia.org/wiki/File:Coat_of_arms_of_Argentina.svg
沒有留言:
發佈留言